"ეს ვიდეო რეანიმაციაშია ჩაწერილი... დავალიანების გამო 10 დღეა, რაც პალატაში გადაიყვანეს და მისი მდგომარეობა ისევ გაუარესდა" - დათის დასახმარებლად ისრაელში მცხოვრები ქართველი მიმართვას ავრცელებს
ისრაელში მცხოვრები ქართველი თეა ცხადაძე შარტავას ქუჩაზე ავარიის შედეგად დაშავებული დათი ქოქრაშვილის შესახებ ახალ ინფორმაციას ავრცელებს.
"მეგობრებო, ნაცნობებო და უცნობებო, მსოფლიოში მიმოფანტულო ქართველო ემიგრანტებო, დიდი მადლობა ყველას გვერდზე დგომისთვის.
დათი გვპირდება, რომ ყველაფერი კარგად იქნება და თქვენი მადლიერია.
ეს ვიდეო რეანიმაციაში როცა იმყოფებოდა, მაშინ არის ჩაწერილი. საავადმყოფოში დავალიანების გამო 10 დღეა, რაც გადაიყვანეს პალატაში და ისევ გაუარესდა მისი მდგომარეობა, ისევ ახალ ინფექციას ვებრძვით, გუშინაც მაღალი სიცხე ჰქონდა - 39,2.
ძალიან გთხოვთ, ისევ გავერთიანდეთ, მისთვის თითოეული ლარი, დოლარი, ევრო თუ შეკელი მნიშვნელოვანია. უფალმა დაგლოცოთ, თქვენი სიკეთე არ დაიკარგება" - წერს ისრაელში მცხოვრები ქართველი თეა კუპატაძე სოციალურ ქსელში.
დათის დახმარების მსურველებს თანხა შეგიძლიათ ჩარიცხოთ შემდეგ ანგარიშებზე:
TBC: #GE05TB7962745064300024
BOG: #GE90BG0000000101545483
მიმღები: ქრისტინე მამუკაშვილი, დედა
შეგახსენებთ, 31 მარტს თბილისში, შარტავას ქუჩაზე მომხდარი ავარიის შედეგად 8 წლის დათი ქოქრაშვილი მძიმედ დაშავდა. დაშავებულს საქართველოში, იაშვილის სახელობის ბავშვთა ცენტრალურ საავადმყოფოში 5 ურთულესი ოპერაცია ჩაუტარდა. მას მარჯვენა ფეხის ამპუტაცია დასჭირდა. ბავშვი ერთი კვირის განმავლობაში მრავლობითი მოტეხილობით იაშვილის კლინიკაში იბრძოდა სიცოცხლისთვის, შემდეგ კი ოჯახმა ისრაელში გადაიყვანა, სადაც რამდენიმე ოპერაცია ჩაუტარდა.