ოპოზიცია დღეს პრეზიდენტს მიმართავს - "ნაციონალური მოძრაობის" ბრიფინგი
„ნაციონალური მოძრაობის“ წევრის, ნუგზარ წიკლაურის ინფორმაციით, დღეს ოპოზიციის საერთო დოკუმენტი გამოქვეყნდება, რომლითაც საქართველოს პრეზიდენტ სალომე ზურაბიშვილს პარლამენტის რიგგარეშე სესიის მოწვევისკენ მოუწოდებენ.
როგორც წიკლაურმა ჟურნალისტებთან საუბრისას აღნიშნა, მნიშვნელოვანია, პუნქტების შესრულება იყოს არა სიმულაცია, არამედ მოხდეს მკაფიო და სწრაფი მოქმედება, რომ ეს გეგმა შესრულდეს.
მისივე თქმით, ასევე მნიშვნელოვანია ხელისუფლების ჩართულობა და პასუხისმგებლიანი დამოკიდებულება, რომ სხდომების ჩატარება დაჩქარებული წესით მოხდეს.