ვრცელდება უკრაინაში გუშინ დაღუპული ქართველი მებრძოლის უკანასკნელი ვიდეო
უკრაინაში რუსი ოკუპანტების წინააღმდეგ ბრძოლაში დაღუპული ქართველი ჯარისკაცი კახა გოგოლი ფოთში, დევნილთა დასახლებაში ცხოვრობდა.
მეზობლების ინფორმაციით, იგი უკრაინაში საომარი მოქმედებების დაწყებიდან 15 დღეში გაემგზავრა.
კახა გოგოლი ლუგანსკის ოლქში იბრძოდა. გავრცელებული ინფორმაციით, ის 10 ივლისს გამთენიისას ოკუპანტების საჰაერო თავდასხმას ემსხვერპლა. ამავე ინფორმაციით, ჯარისკაცის ცხედარი უკვე ლუგანსკის ოლქშია გადასვენებული.
ახლობლებისთვის ჯერ უცნობია, როდის მოხდება საქართველოში ჯარისკაცის ცხედრის გადმოსვენება.