"საზოგადოებამ მინდა გაიგოს, რომ ახალგაზრდა ბიჭი ტყუილად არ გარდაცვლილა... სახეზე, მხარსა და მუხლზე ნაიარევი, ასევე, ჰემატომები ჰქონდა, ვიღაცამ შეურაცხყოფა მიაყენა" - გაიოზ ჩარკვიანი ექიმებს 20 წლის შვილის გარდაცვალებაში ადანაშაულებს
10 თვის წინ რესპუბლიკურ საავადმყოფოში გარდაცვლილი ფეხბურთელის, 20 წლის ვახო ჩარკვიანის მამა გაიოზ ჩარკიანი კლინიკას შვილის გარდაცვალებაში ადანაშაულებს.
ჩარკვიანი ექსკლუზიურად „ინტერპრესნიუსის“ ჟურნალისტს, ეკა ლემონჯავას ესაუბრა.
როგორც გარდაცვლილი ფეხბურთელის მამა აცხადებს, მისი შვილის სამედიცინო ისტორია გაყალბებულია.
როგორც დაზარალებულის უფლებამონაცვლე განმარტავს, რეგულირების სააგენტომ რესპუბლიკური საავადმყოფოს 7 ექიმის პასუხისმგებლობის საკითხი დააყენა.
ჩარკვიანის თქმითვე, მას აღნიშნულის დამადასტურებელი არაერთი დოკუმენტაცია და ექსპერტიზის დასკვნა აქვს.