ვრცელდება სათვალთვალო კამერის მიერ დაფიქსირებული კადრები, როგორ ჩამოიშალა კლდე ხოფა-სარფის საავტომობილო მაგისტრალზე
თურქეთში, ქალაქ ხოფასთან, ავტობანზე კლდე ჩამოიშალა. ჩამოშლილი ლოდები ტრაილერებს დაეცა. შემთხვევა ქალაქ ქემალფაშასა და ხოფას შორის მდებარე ავტობანზე დილით მოხდა.
არსებული ინფორმაციით, შემთხვევის შედეგად დაიღუპა ერთი ადამიანი, არიან დაშავებულებიც. პირველადი მონაცემებით, დაზიანებულია ოთხი სატვირთო ავტომობილი. შემთხვევის ადგილზე გზის გაწმენდითი სამუშაოები მიმდინარეობს.