"სამწუხაროდ, ყველა ჩემი პროგნოზი (stepen, tesla media, lyst) ახდა...  ვინც ფული დაკარგეთ, ჩათვალეთ, "500 დოლარის ისწავლეთ" - ოთო აბესაძე - პალიტრა ვიდეო

"სამწუხაროდ, ყველა ჩემი პროგნოზი (stepen, tesla media, lyst) ახდა. ვინც ფული დაკარგეთ, ჩათვალეთ, "500 დოლარის ისწავლეთ", - ამის შესახებ ეკონომისტი ოთო აბესაძე სოციალურ ქსელში წერს.

ოთო აბესაძე საზოგადოებას ურჩევს, სანამ მსგავს ინვესტიციას დააპირებენ, გარშემო მყოფ ფინანსისტებს მიმართონ.

"სამწუხაროდ, ყველა ჩემი პროგნოზი (stepen, tesla media, lyst) ახდა... ყველაფერი ზუსტად ისე დასრულდა, როგორც ვწერდი.

არავითარ შემთხვევაში არ შეიძლება "ქილიკი" ასეთ დროს. ადამიანებმა დაკარგეს ფული. არა უშავს.

მოდი, ასე შევხედოთ - თქვენ, ვინც ფული დაკარგეთ, ჩათვალეთ, "500 დოლარის ისწავლეთ". მომავალში, სანამ დააპირებთ მსგავს ინვესტიციას, ყოველთვის მიმართეთ თქვენ გარშემო მყოფ ფინანსისტებს ან მომწერეთ ნებისმიერ დროს. არასოდეს დაგზარდებით გონივრული რჩევისთვის.

ახლა უბრალოდ მარტივად შეხედეთ ამ "მიღებულ განათლებას" და გააგრძელეთ მშვიდად ცხოვრება." - წერს ოთო აბესაძე.