სალომე ზურაბიშვილი პატრიარქს შეხვდა
დღეს, 24 ივნისს სალომე ზურაბიშვილი საპატრიარქოში იმყოფებოდა და პატრიარქს შეხვდა - ინფორმაციას საქართველოს საპატრიარქო ავრცელებს:
"საქართველოს პრეზიდენტი მის უწმინდესობას ესაუბრა წმ. სამების საკათედრო ტაძრის მგალობელთა გუნდის რომში დაგეგმილი ღონისძიებების შესახებ და აღნიშნა, რომ გუნდის კონცერტს თვითონაც დაესწრება.მისმა უწმინდესობამ და უნეტარესობამ დალოცა ქ-ნი სალომე და წარმატებული ვიზიტი უსურვა," - წერს საპატრიარქო თავის განცხადებაში.
შეგახსენებთ, სალომე ზურაბიშვილს პატრიარქთან შეხვედრა რამდენიმე დღის წინაც სურდა, თუმცა უარი უთხრეს. ინფორმაცია ანდრია ჯაღმაიძემ გაავრცელა, რასაც ზურაბიშვილის კრიტიკული პასუხი მოჰყვა. პრეზიდენტის შენიშვნა ჯაღმაიძისთვის გაუგებარი აღმოჩნდა.