(ახალი კომენტარი) რას ამბობს იმ ექიმის ძმა, რომლის სახლშიც გახრწნილი ხორცი აღმოაჩინეს - "ჩვენ არ გვითქვამს, რომ ჩივილს ვაპირებთ... "
ქალი, რომლის გარშემო მეხუთე დღეა უამრავი პასუხგაუცემელი კითხვა დაგროვდა, ჯერ კიდევ ჩუმადაა.
სანზონაში მცხოვრები ექიმი-თერაპევტის სახლიდან სამართალდამცველებმა 10 კილოგრამამდე გახრწნილი ხორცი ამოიღეს. გავრცელებული ჭორები, რომლებიც საკმაოდ მძიმე ბრალდებებს შეიცავდა, 20 ივნისს შსს-ს მიერ წარდგენილმა მუხლმა გააქარწყლა. მათი ინფორმაციით, გამოძიება 135-ე მუხლით დაიწყო, რაც სისხლის ან სისხლის შემცველი კომპონენტებით ვაჭრობას გულისხმობს.
როგორც მეზობლები ამბობენ, დაახლოებით 4 თვის მანძილზე სახლიდან მძაფრი სუნი გამოდიოდა, რაც დროთა განმავლობაში კიდევ უფრო გამწვავდა. იყო ეპიზოდები, როდესაც მეზობლები მასთან კომუნიკაციას ცდილობდნენ, ის კი სახლის კარებს არავის უღებდა.