“პაციენტს აქვს "მაიმუნის ყვავილისთვის" დამახასიათებელი სიმპტომები - გამონაყარი სახისა და კიდურების არეში“ - შემოვიდა თუ არა საქართველოში ვირუსი?
შემოვიდა თუ არა საქართველოში ”მაიმუნის ყვავილი”?ქვეყანაში საეჭვო შემთხვევას იკვლევენ. ინფორმაციას ადასტურებს ამირან გამყრელიძე.
დაავადებათა კონტროლის ცენტრი ახლა ანალიზს იკვლევს, რომ დაადგინოს, არის თუ არა დაავადება "მაიმუნის ყვავილი".
ამირან გამყრელიძის განცხადებით, ამ შემთხვევის გარდა, დაკვირვება მიმდინარეობდა "მაიმუნის ყვავილის" კიდევ ერთ, სხვა სავარაუდო შემთხვევაზე, მაგრამ ინფექცია არ დადასტურდა.
"კურიერმა" გაარკვია, რომ პაციენტს, რომელსაც "მაიმუნის ყვავილის" მსგავსი სიმპტომები აქვს, უცხოეთში მოგზაურობის ისტორია აქვს. ექიმების თქმით, პაციენტის მდგომარეობა დამაკმაყოფილებელია.