ახალი ინიციატივა ემიგრანტებისთვის - “სადამდე უნდა იყოს, რომ გვყავდეს მილიონზე მეტი ადამიანი უცხოეთში და არჩევნებში მონაწილეობდეს მხოლოდ რამდენიმე ათასი“
პრეზიდენტი სალომე ზურაბიშვილი მიიჩნევს, რომ უცხოეთში მცხოვრებ საქართველოს მოქალაქეებს არჩევნებში მონაწილეობის უფლება ელექტრონული საშუალებით უნდა მიეცეთ.
ამის შესახებ ზურაბიშვილმა ფორუმზე „ქართული დიასპორა საქართველოს ევროპული მომავლისთვის“ სიტყვით გამოსვლისას განაცხადა.
როგორც პრეზიდენტმა აღნიშნა, საზღვარგარეთ მილიონობით ქართველი იმყოფება, თუმცა არჩევნებში მონაწილეობას მხოლოდ ათასობით ადამიანი ახერხებს, რაც მისი შეფასებით, პრობლემას წარმოადგენს.