როგორი გრაფიკით იმუშავებს მეტრო სააღდგომოდ? - "ორშაბათს მეტროებიდან სასაფლაოებამდე საზოგადოებრივი ტრანსპორტი მოქალაქეებს უფასოდ მოემსახურება"
აღდგომის დღესასწაულთან დაკავშირებით, კვირას მეტროპოლიტენი გახანგრძლივებული გრაფიკით იმუშავებს. მგზავრებს მეტროთი მგზავრობა დილის 04:00 საათამდე შეეძლებათ.
ორშაბათს, მიცვალებულთა მოხსენიების დღეს კი, მეტროებიდან ძირითად სასაფლაოებამდე, მოქალაქეებს საზოგადოებრივი ტრანსპორტი დილის 08:00 საათიდან საღამოს 20:00-მდე უფასოდ მოემსახურება. თბილისის მუნიციპალური ტრანსპორტის შეცვლილი რეჟიმი 2 დღის განმავლობაში იქნება.