კიევში რუსმა დივერსანტებმა ერთი ოჯახის სამი წევრი მოკლეს, მათ შორის ერთი ბავშვია - პალიტრა ვიდეო

კიევში რუსეთის დივერსიულ-სადაზვერვო დაჯგუფებამ ცეცხლი გაუხსნა ავტომობილს, რომლითაც 5 მშვიდობიანი მოქალაქე გადაადგილდებოდა.

კიევის საქალაქო საბჭოს მდივნის, ვოლოდიმირ ბონდარენკოს ინფორმაციით, სროლის შედეგად ავტომობილში მყოფი ერთი ოჯახის 3 წევრი დაიღუპა - ცოლ-ქმარი და მე-4 კლასელი გოგონა.

"მას პოლინა ერქვა. კიევის №24 სკოლის მე-4 კლასის მოსწავლე იყო. ის და მისი მშობლები თელიგაში რუსმა დივერსანტებმა დახვრიტეს", - წერს ბონდარენკო.

სროლის დროს მძიმედ დაშავდა ავტომობილში მყოფი კიდევ 2 ადამიანი. ერთ-ერთი მათგანი რეანიმაციულ განყოფილებაშია მოთავსებული.