"გული რომ არ გამისკდეს, მოგიყვებით რა... იცით რა ხდება ახლა ჩემს თავს?" - გიგა მაქარაშვილი - პალიტრა ვიდეო

მოძრაობა "სირცხვილიას" აქტივისტი გიგა მაქარაშვილი სოციალურ ქსელში წერს, რომ მას შემდეგ, რაც 5 უსახლკარო მოხუცის დაბინავებასთან დაკავშირებით პოსტი გამოაქვეყნა, კიდევ გამოჩნდნენ მსურველები, რომელთან თავიანთი ბინის დათმობა მოხუცებისთვის სურთ.

მაქარაშვილი წერს, რომ ხვალიდან კიდევ 40 უსახლკაროს დააბინავებენ და ახალ სიცოცხლეს აჩუქებენ.

"გული რომ არ გამისკდეს, მოგიყვებით რა. 4 საათის წინ კეთილი პოსტი დავწერე და მოვყევი ამბავი, როგორ დაუთმო ემიგრანტების ოჯახმა გამოკეტილი სახლი უსახლკარო მოხუცებს…

იცით რა ხდება ახლა ჩემს თავს?? კიდევ 7 ასეთი ბინა გამოჩნდა. ანუ ხვალიდან კიდევ 40 უსახლკაროს დავაბინავებთ!

დავაბინავებთ და ახალ სიცოცხლეს ვაჩუქებთ!

ჩემო კარგო ქვეყანავ", – წერს მაქარაშვილი.