"ტროლებო და ქვის ხანაში ჩარჩენილებო! მე და ჩემი ოჯახი ვიდექით იქ, სადაც მთელი თბილისის ნორმალურად მოაზროვნე ხალხი იდგა" - ლამარა აბჟანდაძე - პალიტრა ვიდეო

90 წლის ბლოგერი ლამარა აბჟანდაძე გუშინ თბილისში, რუსთაველის გამზირზე, "მდუმარე აქციაზე" იმყოფებოდა, რის შემდეგაც მან სოციალურ ქსელში სტატუსი გამოაქვეყნა:

"ტროლებო და ქვის ხანაში ჩარჩენილებო! მე და ჩემი ოჯახი ვიდექით იქ, სადაც მთელი თბილისის ნორმალურად მოაზროვნე ხალხი იდგა. აი თქვენ, კი რაც გინდათ წერეთ და თითონვე იკითხეთ. მე ყურადღებასაც არ გაქცევთ. რატომ? იმიტომ, რომ დარწმუნებული ვარ გაივლის დრო და თითონვე შეგრცხვებათ თქვენი საქციელის. ერთმა ნათესავმა მომწერა: "ბიცო ყვავილებს მოუარე, იმათ ნუ იცავო" მე ჩემო კარგო ყვავილებსაც ვუვლი, ჩემ თავსაც და ოჯახის ღირსებასაც ვიცავ. გაიგეთ ბრიყვებო?".