"დროდადრო გონებას კარგავს" - უახლესი ინფორმაცია კახი კავსაძის ჯანმრთელობის მდგომარეობის შესახებ - პალიტრა ვიდეო

კახი კავსაძის ჯანმრთელობის მდგომარეობა კვლავ მძიმეა. როგორც პირველი საუნივერსიტეტო კლინიკის კლინიკურმა დირექტორმა ლალი ტურძელაძემ "რუსთავი 2-ს" განუცხადა, მსახიობი რეანიმაციულ განყოფილებაში რჩება.

"პაციენტი მძიმეა, რჩება რეანიმაციულ განყოფილებაში. დროდადრო გონებაზე არ არის, თუმცა ამ დრომდე აპარატის დახმარების გარეშე სუნთქავს", - აღნიშნა ლალი ტურძელაძემ.

ცნობისთვის, კახი კავსაძეს კორონავირუსი ნოემბერში დაუდგინდა. ვირუსისგან გამოჯანმრთელების შემდეგ ის კლინიკიდან გაწერეს. მოგვიანებით, ჯანმრთელობის მდგომარეობის დამძიმების გამო კვლავ თსსუ-ს კლინიკის რეანიმაციულ განყოფილებაში მოათავსეს.