"ცრუ კაცო, მეუფე პეტრეს თუ შვილი ჰყავს და არ დაგიმტკიცებია, ნახავ შენ" - ჭყონდიდის ეპარქია სასულიერო პირების დაპირისპირების ვიდეოს სრულ ჩანაწერს აქვეყნებს - პალიტრა ვიდეო

"ცრუ კაცო, მეუფე პეტრეს თუ შვილი ჰყავს და არ დაგიმტკიცებია, ნახავ შენ" - ჭყონდიდის ეპარქია სასულიერო პირების დაპირისპირების ვიდეოს სრულ ჩანაწერს აქვეყნებს.

სრული ჩანაწერი იხილეთ ლინკზე.

მარტვილში, ბალდის მონასტერში, ჭყონდიდის მიტროპოლიტი სტეფანე და მამა ათინოგენი ერთმანეთს სიტყვიერად დაუპირისპირდნენ. როგორც მამა ათინოგენმა განაცხადა, დაპირისპირება მეუფე სტეფანეს მიერ პეტრე ცაავას მიმართ გამოთქმულ ბრალდებას მოჰყვა. მისივე ინფორმაციით, მეუფე სტეფანემ პეტრე ცაავაზე თქვა, რომ მას გერმანიაში შვილი ჰყავდა.

"პირველშეწირული ლიტურგია არსებობს ასეთი და ჩაატარა. ჩვენ, რა თქმა უნდა, სასაუბრო გვქონდა და გვინდოდა გვესაუბრა ამ ყველაფერზე. მან წირვა ჩაატარა, როგორც უნდოდა, ჩვენი თანამსახურების გარეშე. როცა გამოვიდა იქიდან, მრევლი დახვდა, ვისაც ტკივილი და განცდა ჰქონდა, რომ მან ნაშიერები ნაციონალური ნიშნით დაყოფილად ​და ზონდერებად გამოაცხადა. ამ ხალხს უნდოდა საუბარი მათთან. ეს საუბარი შემდეგ გადაიზარდა იმაში, რომ მან თქვა, მეუფე პეტრეს შვილი ჰყავს გერმანიაშიო. მე ვუთხარი, რომ ამას დაამტკიცებ, თუ არადა, ცრუ ადამიანი იქნები-მეთქი. მერე მტყუანსო, ასე დამიძახა", - განაცხადა მამა ათინოგენმა.