სომხეთის პრეზიდენტმა არტაკ დავთიანის გენშტაბის ხელმძღვანელად დანიშვნის შუამდგომლობას ხელი არ მოაწერა - პალიტრა ვიდეო

სომხეთის პრეზიდენტმა არმენ სარქისიანმა არტაკ დავთიანის გენშტაბის ხელმძღვანელად დანიშვნის შესახებ პრემიერ-მინისტრ ნიკოლ ფაშინიანის მიერ გაგზავნილ შუამდგომლობას ხელი არ მოაწერა, - ამის შესახებ ინფორმაციას სომხური მედია პრეზიდენტის ადმინისტრაციაზე დაყრდნობით ავრცელებს.

მათივე ინფორმაციით, პრეზიდენტმა შუამდგომლობა, შესაბამისი შენიშვნებით, პრემიერ-მინისტრს დაუბრუნა.

შეგახსენებთ, ნიკოლ ფაშინიანმა სომხეთის შეიარაღებული ძალების გენერალური შტაბის ხელმძღვანელად არტაკ დავთიანის დანიშვნის შესახებ შუამდგომლობა პრეზიდენტს გუშინ გადაუგზავნა.