"ეს არის მორალური მარცხი" - მდიდარმა ქვეყნებმა დანარჩენებს ვაქცინა არ დაუტოვეს? - პალიტრა ვიდეო

მსოფლიო ჯანდაცვის ორგანიზაციის განცხადებით, ე.წ. კატასტროფული მორალური მარცხის
წინაშე ვდგავართ. მდიდარი ქვეყნების მოსახლეობა ვაქცინაციაზე არ დარდობს, თუმცა არსებობს
მეორე მხარე, სადაც ადამიანები ვაქცინის მოლოდინში 2022 წლამდე იქნებიან. მათი რიცხვი კი
საკმაოდ დიდია.
გამოცემა Bloomberg-ის ბოლო მონაცემების მიხედვით, ამ დროისთვის მსოფლიოში კორონავირუსის
საწინააღმდეგო ვაქცინაცია 65.6 მილიონზე მეტ ადამიანს ჩაუტარდა. თუმცა, რა თქმა უნდა, მათი
დიდი ნაწილი მდიდარი ქვეყნის წარმომადგენელია. მაგალითად, კანადას იმდენი დოზა აქვს, რომ
თითოეული მოქალაქის ხუთჯერ აცრაა შესაძლებელი.

ავტორები: ნინი გოგიშვილი, ნინი გაბისონია