"გუშინაც მიტინგზე იყო, ხოდა მაგას რომ ვინმემ შლანგი მიუშვიროს და გაუციოს ცხელი და ჩიტებიანი თავი, ზეძალებს გამოვიხმობ და დაგტბორავთ, ჩემიდედამიწა" - ნათია ფანჯიკიძე - პალიტრა ვიდეო

ნათია ფანჯიკიძე სოციალურ ქსელში წერს: "ბავშვობის მეგობარი მყავს, - ერთერთი მთავარმიზეზთაგანი, ვის გამოც ემიგრაციაში დიდხანს ვერ გავძლებ. ჩემი "სამშობლოა", სხვანაირად რომ ვთქვა. აფრენს პროტესტზე და მიტინგებზე, ვერ ცოცხლობს ისე.

აბსოლუტურად ყველა მთავრობის საწინააღმდეგო ყველა მიტინგზეა ნამყოფი. თანაც საგანგებოდ იცვამს და ივარცხნება, იმ მოსაზრებით, რომ ვინმეს ვიღაც ვიგინდარა არ ეგონოს, ან მატერიალური სიკეთეებისთვის მებრძოლი, იდეალებისთვის ვჯანყდებიო და მიაჩნია, რომ საამისოდ რიგიანად გამოწყობა აუცილებელია. თავისუფლებას მიაგებს პატივს საზეიმო გამოპრანჭვით.

აი ასეთი ჩიტოსანია. რათქმაუნდა, გუშინაც მიტინგზე იყო. ხოდა მაგას რომ ვინმემ შლანგი მიუშვიროს და გაუციოს ცხელი და ჩიტებიანი თავი, ზეძალებს გამოვიხმობ და დაგტბორავთ, ჩემიდედამიწა" - წერს ფანჯიკიძე.