"შოკში ვარ, ხალხო, ვერაფერს ვაკეთებ" - საგანგებო გაფრთხილება მშობლებს! შესაძლოა, ამ ჯგუფში თქვენი არასრულწლოვანი შვილიც არის გაწევრიანებული - პალიტრა ვიდეო

თიკო გურაშვილი

„ხალხო, 20000 ბავშვზე მეტია გაწევრიანებული. ერქვა "ჩემი ქრაში", ახლა ჰქვია პატარა გოგო ბიჭები. ხოდა აქ არიან გაწევრიანებული 10-15 წლამდე ბავშვები. მაგრამ უმეტესობა 11-12 წლისაა. დებენ სურათებს წარწერით "დამქრაშავდით?" ლამაზი ვარ? ან შემაფასეთ... კომენტარებში მიდის სრული ბულინგი, რომ ზოგი მსუქანია, ზოგი მახინჯი, ზოგს არც კი დაანახებდა და არც კიი გაჟიმავდა. ამას წერენ 11 წლის ბავშვები. ქმნიან ჩატს და იქ რა ხდება, აღარ ვიციი.. მოდი დაგქრაშე და პმ და ასე შემდეგ. 11 წლის ვინც ხართ, დაწყვილდით და იზასავეთ ან გეი არ ვარ, გოგოებმა მომწერეთ და ბეევრი სხვა რამ, მეტი რომ არ გავაგრძელო. რა მოვიმოქმედო, ხალხოო, შოკში ვარ. ვერაფერს ვერ ვაკეთებ. ყველას ერთნაირი ფსიქიკა ხომ არ აქვს? თავს რამე არ დაუშაონ ამდენი ბულინგით.“

ბოლო ორი დღეა სოციალურ ქსელში მსგავსი შინაარსის პოსტებს ხშირად შეხვდებით. დედები დახმარებას ითხოვენ. ამბობენ, რომ ჯგუფში ხშირად აბულინგებენ ერთმანეთს. ასევე წერენ, რომ დღეს დილამდე ეს ჯგუფი ღია იყო, ხოლო რაც სოციალურ ქსელში ამ ჯგუფის შესახებ გავრცელდა ინფორმაცია, ჯგუფი დღეს დილიდან აღარ იძებნება და უკვე დახურულია.