გაუქმდება თუ არა ტაქსებში 3-ზე მეტი პირის ყოფნაზე დაწესებული შეზღუდვა? - ნათია მეზვრიშვილის განმარტება
შესაძლოა, ტაქსებში 3-ზე მეტი პირის ყოფნაზე დაწესებული შეზღუდვა გაუქმდეს. ამის შესახებ მთავრობის ადმინისტრაციის უფროსმა ნათია მეზვრიშვილმა "პალიტრანიუსის" გადაცემა "დღის ნიუსრუმში" განაცხადა.
მისივე თქმით, ამ საკითხს უწყებათაშორის საბჭოს სხდომებზე განიხილავენ. ის არ გამორიცხავს, რომ საკითხი გადაიხედოს.
ცნობისთვის, ტაქსებში 3-ზე მეტი ადამიანის ყოფნა დაშვებული არაა. შესაბამისი გადაწყვეტილება მთავრობამ კორონავირუსის გავრცელების პრევენციის ღონისძიებების ფარგლებში მიიღო.