საქართველოში კორონავირუსის ახალი რეკორდული მაჩვენებელი დაფიქსირდა - პალიტრა ვიდეო

საქართველოში კორონავირუსის 57 ახალი შემთხვევა გამოვლინდა და ინფიცირებულთა რაოდენობა 1830 გახდა.

ამის შესახებ ინფორმაცია დაავადებათა კონტროლის ვებგვერდზე განახლდა.

გამოჯანმრთელებულების რაოდენობა 9-ით გაიზარდა და 1334-ს შეადგენს.

კორონავირუსის შედეგად ქვეყანაში 19 პაციენტი გარდაიცვალა, კარანტინის რეჟიმში იმყოფება 5882 მოქალაქე, სტაციონარში მეთვალყურეობის ქვეშ - 390 პირი.