ჯანდაცვის სამინისტროს რეგულირების სააგენტოს თანამშრომელს, მის მეუღლეს და თვენახევრის ჩვილს კორონავირუსი დაუდასტურდა - დამატებითი დეტალები - პალიტრა ვიდეო

ჯანდაცვის სამინისტროს სამედიცინო და ფარმაცევტული საქმიანობის რეგულირების სააგენტოს ხელმძღვანელი ზაალ კაპანაძე აცხადებს, რომ სააგენტოს თანამშრომელს, მის მეუღლეს და თვენახევრის ჩვილს კორონავირუსი დაუდასტურდა.

როგორც "ინტერპრესნიუსს" ბოჭორიშვილის კლინიკაში განუცხადეს, ჩვილის დედა ბოჭორიშვილის სახელობის კლინიკაში მკურნალობს, მამა კი სხვა კლინიკაშია მოთავსებული. მათივე ინფორმაციით, თვენახევრის ჩვილის და დედის ჯანმრთელობის მდგომარეობა ამ ეტაპისთვის სტაბილურია.