ულამაზესი კადრები მაღალმთიანი დათოვლილი აჭარიდან
მაღალმთიან აჭარაში აღარ თოვს, თუმცა, დიდთოვლობისგან გამოწვეულ პრობლემებს ებრძვიან. საავტომობილო გზების დეპარტამენტში ამბობენ, რომ ხულოში, შუახევსა და ქედაში სპეცტექნიკა გზას დღის პირველ ნახევარში გაწმენდს. კურორტ გოდერძიზე გადაადგილება მხოლოდ ორხიდიანი და ზამთრის სეზონის საბურავების მქონე ტრანსპორტისთვისაა შესაძლებელი. ელექტროენერგია ამ დრომდე არ მიეწოდებათ შუახევში: ჭვანისა და დღვანის ნაწილს, ქედაში: ზვარეს, დანდალოს, მახუნცეთსა და დოლოგანს.