"თავისუფლება კრამერებისაგან თუ კრამიტებისაგან!.. მათ თავს გაუვიდათ" - ემზარ კვიციანი - პალიტრა ვიდეო

“პატრიოტთა ალიანსმა“ აშშ-ს საელჩოსთან საპროტესტო აქცია გამართა. პროტესტის მთავარი მიზეზი თბილისში, 10 სექტემბერს გამართული საერთაშორისო კონფერენციაა - "Now What?".

საპროტესტო აქციის მონაწილეებს გადაკეტილი ჰქონდათ გზა. ადგილზე სამართალდამცველები იყვნენ მობილიზებული.

10 სექტემბერს გამართულ საერთაშორისო კონფერენციაზე "Now What?" ირმა ინაშვილი მივიდა, რასაც დარბაზში ხმაური და დაპირისპირება მოჰყვა. ინაშვილს ღონისძიების ორგანიზატორები, მათ შორის კონფერენციის ერთ-ერთი მონაწილე, ამერიკელი ექსპერტი დევიდ კრამერი მოუწოდებდა, დარბაზი დაეტოვებინა, თუმცა, ინაშვილი ღონისძიებას დაესწრო.

მომხდარი ფაქტის შემდეგ, 12 სექტემბერს, საგარეო საქმეთა სამინისტროსთან „საქართველოს პატრიოტთა ალიანსის" ახალგაზრდული ფრთის ორგანიზებით დევიდ კრამერის „პერსონა ნონ გრატად" გამოცხადების მოთხოვნით აქცია გაიმართა.

ავტორი: ნათია ჩადუნელი

ასევე იხილეთ: "ნება იბოძონ და ქართველი ხალხის ნება-სურვილზე იმოქმედონ" - "პატრიოტთა ალიანსის" საპროტესტო აქცია ამერიკის საელჩოსთან