სეტყვამ და წყალდიდობამ მადრიდის ქუჩებში ქაოსი გამოიწვია - კადრები ესპანეთის დატბორილი დედაქალაქიდან - პალიტრა ვიდეო

მადრიდში კოკისპირული წვიმის გამო მეტროს რამდენიმე სადგური დაიხურა. უხვი ნალექის შედეგად დაიტბორა ქალაქის დიდი ნაწილი.

სოციალურ ქსელებში გავრცელებულ კადრებში ჩანს, თუ როგორ მიედინება ქუჩებში წყლის ნაკადი. სტიქიამ დააზიანა ავტომობილები. მადრიდში წვიმას თან დაერთო ძლიერი სეტყვაც.

უამინდობის გამო მთავრობამ რამდენიმე მაგისტრალის დახურვის გადაწყვეტილებაც მიიღო. უამინდობის შედეგად მხოლოდ მადრიდი არ დაზარალებულა. დედაქალაქის სამხრეთით უზარმაზარი ტორნადო დაფიქსირდა, რომელიც თავს ქალაქ კამპილოსს დაატყდა.

დაშავებულების შესახებ ინფორმაცია არ ვრცელდება. ესპანეთის მეტეოროლოგიური სამსახურის ცნობით, უხვი ნალექი აგვისტოს დასრულებამდე შენარჩუნდება.