რას ნიშნავს დუალური განათლება და სად შეიძლება მიიღოთ ის?
საქართველოში ყოველწლიურად დაახლოებით 35 000 ახალგაზრდა ხდება სტუდენტი და ამდენივე ამთავრებს უმაღლეს სასწავლებელს. თუმცა ქვეყანაში დასაქმების ბაზარზე საჭირო პერსონალის მოძებნა მაინც პრობლემად რჩება. აღნიშნულ მდგომარეობაში ცალსახა ხდება პროფესიული განათლების მნიშვნელობა. სწორედ ამ მიზნით ცოტა ხნის წინ შეიქმნა "პრაქტიკული აკადემია", რომელიც მსურველებს 7 მიმართულებით თეორიასა და პრაქტიკაზე დაფუძნებულ მაღალი დონის კვალიფიციურ, პროფესიულ განათლებას მისცემს: მულტიმედია ჟურნალისტიკა, გრაფიკული დიზაინი, შესყიდვები და საერთაშორისო გადაზიდვები, ადამიანური რესურსების მენეჯმენტი, ფინანსები და ბუღალტერია, შეფუთვებისა და კონვერტინგის საწარმოო პროცესები, პოლიგრაფიული წარმოება.